LOVILLATGAN, ZIRQIRATGAN BETAKROR RAYHON

Estradamizning chinakamiga mega yulduzi Rayhon G'aniyevaning joriy yildagi yangi konserti har doimgidanda tinimsizlik bilan muhlislar tomonidan orzu qilib, kutildi desak yanglishmagan bo'lamiz.

Konsertdagi dilga yaqin taronalar, ko'ngilni hushnud etuvchi qo'shiqlar, raqsga chorlagan musiqa va harakatlar, xullas hammasi a'lo darajada. Konsertdagi "3D" effektlar, zamonaviy raqs san'atining eng yorqin harakatlari, jo'shqinlik muhlislarni larzaga solgani shubhasiz.

Rayhon bu yilgi konsertini onasining xotirasiga bag'ishlangan, etni jimirlatuvchi go'zal tarona "Oyijon" qo'shig'ini rus tilida kuylab, konsertni ochib berdi.Ko'zlaridagi mayuslik va jonli ijro tomoshabini biroz o'yga tortdi....

Konsertdagi ilk taronalar qatoridan joy olgan "Yuragimdasan" qo'shig'iga ishlangan ajoyib kompozitsiya va ko'pchilik tanimagan qora kiyimdagi xonandaning turmush o'rtog'i Yigitali Mamajonov haqiqatdan daxshatli tryuklar bajardi.

Kapalaklarni eslatuvchi harakatlar va Rayhonning koreyaliklar millatiga mansub ajoyib imidji konsertga o'zgacha bezak bo'ldi.

Milliy va zamonaviy stildagi ajoyib kastum. Faqat yuqori haroratda o'tgan konsertda tomoshabinlar faqat va faqat Rayhonni qo'llab quvvatlashdi

Ajoyib Sherni eslatuvchi ko'rinishdagi qizaloq harakatlari konsertdagi unutilmas voqealardan biri bo'ldi.

Honanada yangi "Do'st" taronasining avvalida barcha do'stlar bir biriga sodiq bo'lishini aytib o'tdi.

Kastyumlar orasidagi eng chiroyli va bejirim ko'rinishdagi libosda saxnaga chiqgan Rayhonni ko'rgan muhlislar qichqirib yuborishdi. Konsertning deyarli boshidan oxirgacha osmonda kapalaklar va ajoyib tryuklar ko'rsatilgani umuman o'zgacha bo'ldi. Hattoki Rayhonning o'zi ham bir necha bor osmonlarda parvoz qildi.

Rayhonning misrliklar va xindlar ko'rinishini eslatuvchi ajoyib ko'rinishi va AZART bilan saxnadagi raqs harakatlari, jo'shqinligi va ijro maxorati bir so'z bilan aytganda SUPER bo'ldi.

Konsertdagi Rayhonning har bir ko'rinishi, yangi taronalari a'lo baholandi. Konsertning keyingi kunlaridan ham albatta reportajlar taqdim etiladi. Rayhon konserti "Qani" taronasi bilan yakunladi, bizni hayratga solgani esa monitorda klipga ishlangan fan club hamda TATU talabalari tomonidan parodiya tarzida suratga olingan "Qani" klipi namoyish etildi, qoil qolmasdan ilojimiz yo'q. Rayhon har bir insonni mehnatini qadirlagani taqsinga sazovor! Eng asosiysi tez orada konsertdan olingan har bir ko'rinish tasvirga olingan video lavhani ham e'tiboringizga havola etiladi. Biz bilan birga bo'ling.